Шымкент келбеті

«Қыс арбаңды, жаз шанаңды қамда», – дейді халық даналығы. Биыл өңірлердегі жылыту маусымына дайындық жұмыстары Президент және Үкімет тарапынан қатаң бақылауға алынды. «Арқаны кеңге салатын уақыт жоқ, жаз ортасы келіп қалды. Тәулік бойы жұмыс істеу керек. Бізде құрылыс маусымы өте қысқа, сондықтан тәуекел де жоғары. Егер, жаз біткенше жағдай жақсармайтын болса, онда жауапты адамдарға қатысты кадрлық шешімдер қабылданатын болады», – деді Үкімет отырысында Әлихан Смайылов. Шымкент қаласында жылыту маусымға дайындық жұмыстары қалай жүріп жатыр? Жылыту мекемелерінің жағдайы қай деңгейде? Саралап көрсек.

Шымкент қаласында шалғай елді мекендерді сапалы интернетпен қамтамасыз ету жұмыстары жоспарға сай жүргізілуде. Қалалық цифрландыру басқармасының қолдауымен және жеке инвестор «Спец автоматика сервис» ЖШС тарапынан Еңбекші ауданындағы Оңтүстік тұрғын алабы талшықты-оптикалық интернет желісімен қамтылды. Елді мекенде 38 000-ға жуық тұрғын бар.

Италияның Ауронцо қаласында өткен жастар арасында байдарка мен каноэде есуден әлем чемпионатының жеңімпазы Руфина Искакова туған жерге оралды. Шымкент әуежайынан жеңімпаз спортшыны ата-анасы, спорт мектебі басшылары, жанкүйерлері зор қошеметпен күтіп алды.

Шымкент қаласының денсаулық сақтау басқармасының басшысы Нұрлыбек Асылбеков ақпараттық-коммуникациялық орталықта өткен баспасөз брифингінде 5 айда атқарған жұмыстарын қорытындылады.

Жергілікті кәсіпкерлер туған жерін түлетуде

Қаратау ауданында елді мекендерді абаттандыру, әлеуметтік нысандар, спорт алаңшасын салу жұмыстары жоспарға сай атқарылуда. Биыл ауданда 34 спорт алаңшасын пайдалануға беру жоспарланған. Аудан аумағындағы Шапырашты және Өтеміс тұрғын алаптарында атқарылған жұмыстар бойынша баспасөз-туры ұйымдастырылды.

Абай ауданына қарасты Алтынтөбе тұрғын алабында Сатқанбаев және Ырсымбетов көшелерінде орташа жөндеу жұмыстары басталды. Қала әкімі Мұрат Әйтенов нысандарда болып, құрылыс қарқынын тексерді.

Алтынтөбе тұрғын алабындағы Алдоңғаров шаруашылығында 200 бас ірі қара мал мен 50 бас жылқы бордақылауға мүмкіндік бар. Шаруашылық құрылысы 2021 жылы басталып, бүгінгі таңда 80 пайызға жуығы аяқталған.

Шымкент қалалық мәслихатының кезектен тыс бесінші сессиясы өтті. Жиында негізінен Шымкент қаласының жаңа Бас жоспары талқыланып, ол бойынша шешім қабылданды.