Шымкент келбеті

Шымкентте өткен жылы 9 585 отбасыға атаулы әлеуметтік көмек көрсетілген. Қазіргі таңда шаһарда әлеуметтік көмекке мұқтаж отбасылар саны 75 пайызға азайған. Шымкент қаласының халықты жұмыспен қамту орталығы директорының орынбасары Бағдат Арқабаев өзекті мәселе еңбекке жарамды отбасы мүшелерін тұрақты жұмыспен қамту арқылы шешіліп жатқанын жеткізді.

Әлеуметтік маңызды тауарлар бағасын бақылайтын мониторингтік топ кезекті аралау жұмыстарына шықты. Бұл жолы «Нұрсәт» шағынауданындағы Grand Bereke сауда үйіндегі бағаларды сырттай бақылап, сауда үстемесін негізсіз өсірмеу бойынша түсіндірме жұмыстарын жүргізді.

Шымкент қалалық кәсіпкерлер палатасында өткен жылы «Бастау бизнес» курсынан 2095 азамат өтті. Бұл курста қатысушыларға бизнестің қыр-сыры үйретіледі. Сол арқылы азаматтар өзінің жеке бизнесін бастап, еліміздің экономикасының өрлеуіне өзіндік үлесін қоса алады.

Мемлекет басшысы Қасым-Жомарт Тоқаевтың ҚР Парламенті Мәжілісінің отырысында сөйлеген сөзінде елімізде техникалық мамандықтарға басымдық беру қажеттілігіне тоқталды. Үшінші мегаполисте 32 колледждің 24-і техникалық бағытта білім береді. Осы колледждерде бүгінде мемлекеттік білім грантының аясында 5702 студент тегін білім алады. Шымкент қаласының БАҚ өкілдері бірқатар техникалық білім беретін оқу орнының жұмысымен танысып қайтты.

Мемлекет басшысы Қасым-Жомарт Тоқаев ҚР Парламенті Мәжілісінің отырысында сөйлеген сөзінде «Алдағы үш жылда азық-түлік қауіпсіздігі мәселесін түбегейлі шешу қажет. Бұл Үкімет пен әкімдердің алдында тұрған негізгі басымдық екеніне айрықша назар аударамын. Егер нарықта азық-түлік тауарлары мол болмаса, инфляцияны ұстап тұруға ешқандай шара көмектеспейді» деген болатын.

Шымкентте «Doni ltd» ЖШС кәсіпорны балмұздақтың 70 түрін шығарады. Өнімдері ішкі нарықта жоғары сұранысқа ие. Қалалық ауыл шаруашылығы және ветеринария басқармасы ұйымдастырған баспасөз-турында кәсіпорынның жұмысымен толығырақ таныстық.

Мемлекет басшысы Қасым-Жомарт Тоқаев ҚР Парламенті Мәжілісінің отырысында сөйлеген сөзінде Қазақстанның алдағы экономикалық-әлеуметтік және саяси бағытындағы даму жолын белгілеп берді. Қордаланған проблемалардың шешу тетіктері мен алдағы жоспарларды айқындаған Президент шағын және орта кәсіпкерліктің мәселесіне айрықша тоқталды.

Шаһарда ауыл шаруашылығы басқармасы мен табиғи монополияларды реттеу, сондай-ақ бәсекелестікті қорғау және дамыту департаменттерінің мамандары қаладағы жанар-жағармай құю бекеттері және әлеуметтік маңызы бар азық-түлік бағаларына тұрақты мониторинг жүргізуде.