Турнирде 2-ші санаттан жоғары шеберлер мен арнайы іріктеу турынан өткен әуесқойлар бақ сынады. Жарысқа қатысуға жалпы 120-дан астам қала тұрғыны өтініш берді. Жеңімпаздар FIDE ережесіне сай анықталып, арнайы жүлделермен марапатталды.
–Аталған сайыс бұқаралық спортты дамыту мақсатында Шымкентте алғаш рет қолға алынып отыр, - дейді ұйымдастырушылар.
Жарыс қорытындысы бойынша 60 жасқа дейін және 60 жастан жоғары қатысушылар арасында жеңімпаздар анықталды.
Бірінші жас санатында Әбубәкір Жолдасов 6 ұпаймен, екінші санаты бойынша Әбілмансұр Әбділхайыр 8 ұпай нәтижесімен үздік шықты. Сондай-ақ турнирдің ең жас қатысушылары да марапатқа ие болды.
