Туристердің назары – «Бүркітте»
Среда, 26 Май 2021 04:06Шымкентті туристерге тартымды етудің мүмкіндіктері қарастырылуда. Сондай нысанның бірі – Сайрам тұрғын алабындағы «Бүркіт» әскери-спорттық базасы.
Цифрлы технология – жетістіктер бастауы
Среда, 26 Май 2021 04:05Шымкентте тұрғындар тарапынан сот процесіне қатысты айтылатын шағымдар азайған. Бұл туралы Шымкент қалалық сотында арнайы ұйымдастырылған баспасөз-турында айтылды. Іс-шараны Соттар әкімшісінің басшысы Берік Мейірханов пен ақпараттық қамтамасыз ету бөлімінің басшысы Қабыл Дүйсенби жүргізді.
Кептелістен құтылатын күн таяу
Среда, 19 Май 2021 04:11Шымкентте халық саны көбейген сайын көлік ағыны да жылдан жылға артып келеді. Мұндайда жол инфрақұрылымын уақытылы жетілдіріп отырмаса, көлік кептелісі күрделі мәселеге айналып кетуі мүмкін. Осыны ескерген қала әкімдігі ірі жобаларды қолға алып, нақты істер атқаруда. Соның дәлелі Д.Қонаев даңғылы мен Т.Рысқұлов көшесінің қиылысындағы жолайрықтың құрылысы дер едік.
Риддер, біз біргеміз!
Среда, 19 Май 2021 04:0715 мамырда Шымкенттен гуманитарлық көмек тиелген көліктер Риддерге аман-есен жетті. Бұл туралы ерікті Олжас Мамыр хабарлады. Жастар орталығы ғимаратынан жөнелтілген көліктер керуенін Шымкент қаласы әкімінің бірінші орынбасары Шыңғыс Мұқан, қалалық мәслихаттың хатшысы Бахадыр Нарымбетов, қалалық мәслихаттың депутаттары мен «Nur Otan» партиясы фракциясының мүшелері сәт-сапар тілеп, шығарып салған болатын.
Жаңа гүлзар жайқалып тұр
Пятница, 14 Май 2021 03:51Үшінші мегаполисте тұрғындардың демалуына қолайлы орындар саны тағы бір гүлзарға артты. 8 шағынаудандағы гүлзардың құрылыс жұмыстары өткен жылы аяқталған еді. Шымқалалықтардың демалуына арналған гүлзарды жаңғырту жұмыстарымен «Шымкент Жасыл қала» ЖШС айналысқан болатын. Гүлзар тұрғындарға ұнады. Олар үшін бұл жер жылдың төрт мезгілінде де демалуға ыңғайлы.
ТҰЛҒАСЫ ТҰНҒАН ТӘЛІМ Момышұлы мұрасын жатқа білетін қария
Среда, 05 Май 2021 04:30Шымкент қаласының тұрғыны Алтай Қалыбеков – жасөспірімдер кітапханасының ең белсенді оқырманы. Жетпісті бағындырғанына қарамастан қария кітап, газет-журнал оқуды доғарған емес. Ақсақал қызықты мәліметті көзі шалса дәптерге түртіп жүреді. Тіпті қазақтың хас батыры Бауыржан Момышұлының ерлігі жайындағы деректерді жинаған. Қазір ол даңқты қолбасшының таңғажайып ерлігі, қиян-кескі шайқастары туралы жатқа біледі. Ұлы тұлғаның батыр бейнесі де жадында қаз-қалпында сақталған.
«Отанымды ешқандай байлыққа айырбастамаймын»
Пятница, 30 Апрель 2021 04:53Дархан даласындай көңілі кең қазақ елі түрлі ұлт өкілдерін тар жол тайғақта құшағына алып, бауырына басты. Ынтымақ пен бірлікті ту еткен ұлттар мен ұлыстардың ұйымшылдығы бүгінде өзге жұртты сүйсінтіп келеді. Елімізде соңғы уақытта қазақша сөйлейтін этнос өкілдерінің де саны артты. Солардың бірі – Оңтүстік Қазақстан мемлекеттік педагогикалық университетінің студенті Кристина Бойко.
Жылжымалы екпе пункті – сауда орталықтарында
Среда, 28 Апрель 2021 06:14
Ұжымдық иммунитетті қалыптастырып, коронавирустың алдын алуда екпе нүктелерінің санын арттыру маңызды. Осы мақсатта Шымкент тұрғындарына медициналық ұйымдардағы 42 екпе пунктінде вакцина егілуде. Қазір емханалардан бөлек сауда орталықтарында да жылжымалы екпе бекеттері ашылған.
Соның бірі – «SHYMKENT PLAZA» сауда орталығындағы егу пункті. Мұнда қалалық теміржол ауруханасының дәрігерлері сағат 10:00-ден кешкі 20:00-ге дейін жұмыс істейді. Дүкен аралауға келгендерге бұл ыңғайлы әрі жақсы мүмкіндік.
Жылжымалы пункт дәрігері Жадыра Намазованың айтуынша, вакцина адамдарға бірден салынбайды. Алдымен денсаулығы жан-жақты тексеріледі. Созылмалы ауруының бар-жоғы анықталады. Сонан кейін тұрғын сауалнама мен келісім парағын толтырады. 20 сәуірде мұнда алғаш рет 10 адам ресейлік «Спутник V» вакцинасының бірінші бөлігін қабылдапты.
– Вируспен күресудің жолы – екпе салдыру. Вакцинациялау ұжымдық иммунитет қалыптастырады. Аурудың таралуына жол бермеу үшін әр азамат жауапкершілікті сезінуі тиіс, – дейді дәрігер Жадыра
Шалқарқызы.
Мұнда емханадағыдай санитарлық талап сақталған. Эпидемиологтар алдын ала тексеруден өткізген. Сондай-ақ келушілерге үгіт-насихат жүргізетін топ құрылды. Олар келушілерге түсіндіру қағаздарын таратуда.
– Расында сауда орталығында екпе пунктінің ашылғаны дұрыс болды. Өйткені, біз күні бойы адамдармен тығыз жұмыс істейміз. Ал індет көбейген сайын, бойды қорқыныш билейді. Байқаусызда ауру жұқтырып аламын ба деп алаңдаймын.
Жақындарымды ойлап, вакцина аламын деп шештім, – дейді сатушы-кеңесші Динара Шеркебай.
Құрылыс саласының өкілі Давран Усманов та медициналық бекетке екпе қабылдауға өзі келіпті. Вакцинадан кейін ауырсыну белгілерінің болмағанын, жағдайы жақсы екенін айтады.
«Шымкент теміржол ауруханасы» ЖШС-нің директоры Жадыра Мұхаметқызының сөзінше, алдағы уақытта «Спутник V» вакцинасына сұраныс артуы мүмкін. Ұжымдық иммунитет қалыптаспайынша,
індеттің таралуын толық тоқтату мүмкін емес. Вакцинаның бірінші компонентін сауда үйіндегі егу пунктінде қабылдағандар екіншісін де осы жерде немесе Шымкент теміржол ауруханасында алуы қажет.
Екі бөлігін салған тұрғынның келісім қағазы арнайы базаға енгізіледі. «Egov» мобильді қосымшасына кіріп, азамат өзінің «егу паспортынан» вакцинаны қай күні қабылдағанын, нешінші партия, сериясын көре алады.
Қазір Шымкентте екпе қабылдағандардың қатары 71 мыңнан асты. II компонентті 7 057 адам алып үлгерген.
Айта кетейік, жіті және созылмалы аурулармен ауыратын, сондай-ақ, жүкті, емізулі баласы бар әйелдерге және сәбиді жоспарлап жүргендерге вакцина қабылдауға болмайды. Қауіпті індетпен ауырған адамға жарты жыл ішінде екпе егілмейді.
