Кездесуде елімізде өткелі жатқан АЭС салу мәселесі бойынша референдумның маңызы, атом энергетикасының пайдасы мен зияны сөз болды.
-Болашақта атом энергетикасын дамытудың бірнеше елеулі артықшылығы бар екенін де ескеру қажет. АЭС елді энергиямен қамтамасыз ету көздерін әртараптандыруға, көмір мен газға тәуелділікті азайтуға ықпал етеді. Сондай-ақ атмосфераға зиянды қалдық шығарындыларын азайтатын экологиялық таза энергия көзіне жатады. Және болашақ жастарға ғылым жағынан, жұмыс көзі ретінде үлкен мүмкіндік деп білеміз, - дейді Шымкент қаласы "Ассамблея жастары" бірлестігінің төрағасы Нұрболат Мейірбеков.
Сонымен қатар, Ассамблея жанындағы Ақсақалдар кеңесі төрағасының орынбасары Батырбек Қалмырзаев, ғалым Роза Мамықова, Шымкент қалалық татар-башқұрт этномәдени бірлестігі төрағасының орынбасары Сайма Ақбердиева жастар алдында сөз сөйлеп, Мемлекет басшысының Жолдауында айтылған басымдықтарға тоқталды.
С.ТҰРҒАНТАЙҚЫЗЫ
