ОҚО Шымкент қаласы Абай аудандық соты Е-ға қатысты сотқа Қазақстан Республикасы ҚК-нің 190-бабының 2-бөлігінің 2) тармағымен берілген қылмыстық ісін қарады.
Істің мән-жайын сәйкес, сотталушы Е. жәбірленушілер Ж., Т.-нің қыздарын «грантқа» түсіріп беремін, ал жәбірленушілер С., Қ., Ш.-нің қызын жұмысқа орналастырып беремін деп, сенімдеріне кіріп, бірнеше рет алаяқтық жолмен ақшаларын алып, жалған уәдесін орындамай, соңғылардың ақшасын өз пайдасына жаратып жіберген.
06.05.2016 жылғы соттың қаулысымен Қазақстан Республикасының ҚК-нің 190-бабының 2-бөлігінің 2) тармағымен сотталушы Е. Қазақстан Республикасы ҚК-нің 68 бабының 1 бөлігінің негізінде ол жәбірленушілермен татуласып, қылмыспен келтірілген зиянның есесін толтыруына байланысты қылмыстық жауапкершіліктен босатылып, қылмыстық ісі өндіріспен тоқтатылған.
Абай аудандық баспасөз қызметі.