Шымкент қаласы әкімдігінің ұйымдастыруымен «Мектепке жол» акциясы өтеді.
Акция аясында 12 және 19 тамыз күндері ауқымды мектеп жәрмеңкесі ұйымдастырылады. Жәрмеңкеде мектепке керек-жарақтар, оның ішінде мектеп формасы, аяқ киім, спорттық киім және сөмкелер, дәптерлер мен қаламсап, тағы да басқа қажетті заттар арзан бағада ұсынылады. «Мектепке жол» акциясы аясындағы жәрмеңкеге 13 отандық өнім шығаратын кәсіпорын қатысады.
Жәрмеңкенің өтетін орны мен уақыты: Қ.Мұңайтпасов атындағы спорт кешені, сағат 09:00-ден 15:00 аралығында.
