Ақордада Елбасына Премьер-Министрдің орынбасары – Ауыл шаруашылығы министрі Асқар Мырзахметов осы мәселелер бойынша есеп берді. Кездесу барысында көктемгі егіс науқанының қорытындылары, елдің агроөнеркәсіп кешенінің даму көрсеткіштері сөз болды.
Мемлекет басшысы ауыл шаруашылығы саласындағы еңбек өнімділігін өсіру, экспорттық әлеуетті артыру және ауыл тұрғындарын жұмыспен қамту мәселелерінің маңыздылығына тоқталды. Сондай-ақ Нұрсұлтан Назарбаев министрге күзгі астық жинау науқанын өткізуде барынша қолайлы жағдай жасауды тапсырды. Кездесу қорытындысында Елбасы бірқатар нақты тапсырма жүктеді.