Осылай деген «Оңтүстік Қазақстан облыстық кәсіподақтар Орталығы» аумақтық кәсіподақтар бірлестігінің жетекшілері Елбасының соғыс атаулыға қарсы шығып, ортақ идея жолында топтасуға шақырған манифесін қолдайтынын мәлімдеді.
– Ядролық қауіпсіздік бойынша Вашингтондағы өткен саммитте Елбасының жариялаған «Бейбітшілік. XXI ғасыр» атты манифесі әлемнің көптеген елдерінде лайықты қолдау тауып отыр. Бұл ретте, Елбасымыз ұсынған «Мәңгілік ел» идеясы да біздің жанымызға ерекше жақын. Ұлт көшбасшысының барлық бастамалары халықтың ойынан шығып келеді. Біз де бірлестіктің мүшесі болып табылатын өңірдегі 205 мың азаматтың атынан барша адамзат баласын Елбасы манифесін қолдауға шақырамыз, – деді аумақтық кәсіподақ бірлестігінің төрағасы Ғани Қарабеков.
«Дөңгелек үстел» барысында сондай-ақ, Елбасының Жер кодексіне енгізілген түзетулерге қатысты шығарған шешімі де көпшіліктің талқылауына ұсынылды.
Жеңісбек СЕРІКҰЛЫ
